Қазақстандық миллиардер Ломтадзенің клубы Англия кубогының 1/16 финалына өтті
Футбол
Аружан Темірбек
Редактор
ФОТО: Getty images
Михаил Ломтадзе иелігіндегі “Уикомб Уондерерс” клубы, Англия кубогының 1/32 финалынан сәтті өтіп, “Портсмутты” 2:0 есебімен жеңді.
“Уикомб Уондерерс” қысқы кезеңде тұрақсыз ойын көрсетіп келеді. Лига 1-дегі сәтсіздіктер кубоктық турнирлердегі жеңістермен алмасты. Бұл жолы Ломтадзе командасы Англия кубогының өз алаңында өткен матчында сенімді жеңіске жетті.
“Портсмутпен” өткен ойында “Уикомб” 27-минутқа дейін екі рет гол соғып, нәтижені қорғауға көшті. Бір кездері АПЛ-да ойнаған “Портсмут” “Уондерерстің” қорғанысын бұза алмады. Қарсылас команда тығыз “автобус” тактикасына тап болды.
“Уикомб Уондерерс” келесі матчын 18 қаңтарда “Мэнсфилд Таунға” қарсы өткізеді.