Қазақстан құрамасының бұрынғы қорғаушысы Дмитрий Шомко «Ертіс» клубына ауысуы мүмкін

35 жастағы тәжірибелі футболшы павлодарлық команданың құрамын жақын күндері толықтыруы ықтимал

Футбол 18 мау 2025 04:22

Әлім Динасылов

Редактор

BorodAbata.kz сайтының мәліметінше, «Ертіс» пен Дмитрий Шомко арасындағы келіссөздер соңғы кезеңге жетті.

Трансфер алдағы күндері ресми түрде аяқталуы мүмкін. Қыста Шомко елордалық «Астанаға» оралған болатын. Бұған дейін ол Ресейдің «Роторында», сондай-ақ «Ақтөбе» мен «Елімай» клубтарында ойнаған.

Қазақстан ұлттық құрамасы сапында қорғаушы 48 матч өткізіп, екі гол соққан.

Егер ауысым іске асса, Шомко павлодарлық команданың қорғанысын нығайтып, командаға тәжірибесімен көмектесе алады.

Еуропа лигасының екінші іріктеу кезеңінің жеребесі 18 маусымда өтеді — «Ақтөбе» үміткерлер қатарында.