Қазақстан құрамасы жеңісті қолдан шығарып алды
Қазақстан әйелдер құрамасы Ұлттар лигасындағы алғашқы ойынында Люксембургпен тең түсті. C дивизионының бірінші турында команда қарсылас алаңында ойнап, басымдықты сақтап қала алмады – кездесу 2:2 есебімен аяқталды.
Қазақстандық футболшы қыздар матчты сенімді бастады, бірінші таймда екі гол соғып, жақсы мүмкіндік жасады. Анастасия Низамутдинова дубль авторы атанды (34 және 41-минуттар). Алайда үзілістен кейін алаң иелері ойынды күшейтіп, 50-минутта Марта Эстевес Гарсия пенальтиден гол соқты, ал 73-минутта Лаура Миллер есепті теңестірді.
Бұл нәтижемен Қазақстан мен Люксембург бір-бір ұпайдан еншіледі. Осы топтағы екінші кездесуде Армения Лихтенштейнді 6:1 есебімен ойсырата жеңді.
Келесі ойында Қазақстан құрамасы 25 ақпанда Армениямен сырт алаңда кездеседі.
Алдын ,Алматылық Қайраттың 2025 жылғы маусымға арналған өтінімі белгілі болды