«Атлетико» Лига 1-ден сенегалдық жартылай қорғаушыны сатып алғысы келеді
Мадридтің «Атлетикосы» Францияның «Страсбург» клубында ойнайтын Сенегал құрамасының жартылай қорғаушысы Хабиб Диарраға қызығушылық танытуда. Бұл туралы RMC Sport басылымы хабарлады. Ақпарат көзінің мәліметінше, испандық скауттар өткен маусымда бірнеше рет Лига 1 матчтарына барып, ойыншыны бақылаған.
Футболшының өзі де бұл ауысуға қарсы емес — оған Чемпиондар лигасында ойнау мүмкіндігі қызық. Дегенмен, «Атлетико» бұл трансфер бойынша асығыстық танытпай отыр.
21 жастағы жартылай қорғаушыны сатып алу құны шамамен 25 миллион еуроға бағалануда. Өткен маусымда Диарра Лига 1-де 30 матч өткізіп, 4 гол соқты және 5 нәтижелі пас берді. «Страсбург» маусымды Франция чемпионатында жетінші орынмен аяқтаған.
«Турнир қалған футболдың экожүйесін бұзады». Ла Лига клубтар арасындағы әлем чемпионатын сынға алды.
