«Ақтөбе» жанкүйерлері «Спартаға» тыныштық бермейді – чех БАҚ алдын ала ескертті

Стадион лық толады, атмосфера қыза түседі – бұл матч оңай болмайды дейді чех басылымы

Футбол 24 шіл 2025 03:23

Әлім Динасылов

Редактор

Конференциялар лигасының ойыны қарсаңында чехиялық басылымдар «Ақтөбе» жанкүйерлерінің күшті қолдауына назар аударды. Бұл жанкүйерлердің еліміздегі ең үздіктердің бірі екені тағы дәлелденді.

«Ертең «Спартаны» ыстық атмосфера күтіп тұр. «Ақтөбенің» жанкүйерлері – Қазақстандағы ең мықтылардың бірі – «Спартамен» болатын матчқа барлық билетті сатып алды. Матч аншлагпен өтуі тиіс – 13 мың көрермен жиналады», – деп жазды Sportak.

Бірінші ойын 24 шілдеде Ақтөбеде өтеді, қарымта матч – 31 шілдеде Прагада. Екі команда да келесі кезеңге өту үшін барын салмақ.