«Ақтөбе» Польшада Умаевсіз қалуы мүмкін: шабуылшыға виза берілмей жатыр
Қазақстандық «Ақтөбе» клубының шабуылшысы Идрис Умаев Еуропа лигасының іріктеу кезеңіндегі «Легияға» қарсы сырт алаңдағы матчқа қатыса алмауы мүмкін. «Серый Cardinal» Telegram-арнасы хабарлағандай, Польша билігі футболшыға ресейлік азаматтығына байланысты виза беруден бас тартқан.
Қазіргі уақытта «Ақтөбе» бұл шешімді УЕФА арқылы даулауы мүмкін бе, әлде қазақстандық дипломаттар араласар ма – белгісіз.
Жағдайды қиындататын жайт – Қазақстан мен Польша арасында визасыз режим бар. Сондықтан «Легия» ойыншыларына қарсы жауапты шара қолдану мүмкіндігі шектеулі. Польша азаматтарынан бөлек, команда құрамында Португалия, Франция, Испания және Сербия елдерінің өкілдері де бар.
«Легия» мен «Ақтөбе» арасындағы алғашқы матч 10 шілдеде Варшавада өтеді. Жауапты ойын 17 шілдеде Қазақстанда ойналады.
«Легияға» оңай болмайды»: экс-форвард Трытко «Ақтөбенің» Еуропа лигасындағы мүмкіндігі туралы айтты.
