«Ақтөбе» Қазақстан құрамасының ойыншысымен келісімшартқа қол қойғанын ресми түрде жариялады
«Ақтөбе» футбол клубы қазақстандық қақпашы Александр Заруцкиймен келісімшартқа отырғанын ресми түрде мәлімдеді.
Қақпашы өзінің кәсіби мансабын «Шахтер» жүйесінде U-19 командасында бастаған. Әр жылдары Заруцкий Қазақстан Премьер-лигасының бірнеше клубтарының намысын қорғады, олардың қатарында «Шахтер», «Астана», «Қайрат», «Қайсар», «Ертіс», «Атырау» және «Қызыл-Жар» бар. Ол жоғары деңгейдегі ойындарда мол тәжірибе жинады.
Өткен маусымды Александр алматылық «Қайрат» сапында өткізді. Ол клубтың Чемпиондар лигасының негізгі кезеңіне тарихи шығуына шешуші үлес қосты. Қақпашының сенімді ойыны команданың еурокубоктағы сәттілігіне себеп болды.
Бұдан бөлек, Заруцкий Қазақстан ұлттық құрамасына шақырылып, әлем чемпионатының іріктеу матчтарында, соның ішінде Уэльс құрамасына қарсы ойында да алаңға шықты.
Тәжірибелі қақпашының ауысуы жаңа маусым алдындағы «Ақтөбе» үшін, сондай-ақ клубтың еурокубоктық мақсаттары аясында маңызды күшейту болып саналады.
