«Астананың» мәселелері жалғасуда. Бас инвестор клубты қаржыландыруды тоқтатады
Жанкүйерлер енді Қазақстан Президентіне үндеу дайындап жатыр
Футбол
Жантөре Қайсаров
Редактор
ФОТО: ФК Астана
«Астананың» қаржылық жағдайы күн өткен сайын нашарлап барады. Елордалық клуб ойыншылар мен бапкерлер алдындағы қарыздарын өтей алмай отыр, осындай қиын шақта вице-чемпион тағы да ауыр соққыға тап болды.
Журналист Елдар Аманбаевтың мәліметінше, клубтың басты инвесторы – «Самұрық-Қазына» ҰӘҚ» АҚ өткен маусымда «Астанаға» шамамен үш миллиард теңге құйған еді, енді елордалық команданы қаржыландыруды мүлдем тоқтатуды жоспарлап отыр.
Осындай ауыр жаңалықтардың аясында «Астана» жанкүйерлері Қазақстан Президенті Қасым-Жомарт Тоқаевқа үндеу дайындап жатыр. Әзірге үндеудің нақты тақырыбы белгісіз, «дегенмен, айтарлықтай маңызды» болатыны анық.
