«Астана» мен «Каспий» матчы төрт голмен аяқталды
Қазақстан Премьер-лигасының 23-туры аясында елордалық «Астана» өз алаңында ақтаулық «Каспийді» қабылдады, деп хабарлайды Sports24.kz.
Бірінші тайм Григорий Бабаянның жоспары бойынша өрбіген жоқ. Давид Эптон бірінші таймның ортасында қонақтарды алға шығарды. Бірнеше минуттан кейін Марин Томасов есепті теңестірді. Алайда үзіліске командалар бәрібір Ақтаудан келген қонақтардың басымдығымен кетті. Кеба Силла 35-минутта алаң иелерін қапалантты.
Екінші таймда Александр Меркель тепе-теңдікті қалпына келтірді, алайда елордалық команда бүгін кешке бұдан артыққа шамасы жетпеді. Елорданың таблосында 2:2 есебі тіркелді.
Осылайша, «Астана» 52 ұпай жинап, ҚПЛ турнирлік кестесінде үшінші орынға нық жайғасты және «Оқжетпестен» арадағы алшақтығын төрт ұпайға жеткізді. «Каспий» тоғызыншы орында (33 ұпай).
ҚПЛ, 23-тур
«Астана» – «Каспий» 2:2
Голдар: Томасов, 26, Меркель 68 – Эптон, 23, Силла, 35.
