«Анарбеков өз жұмысын сенімді орындады»: ұлттық құраманың жаттықтырушысы қақпашының Бельгияға қарсы ойынын бағалады
Қазақстан құрамасының бұрынғы қақпашысы, қазіргі ұлттық команданың қақпашылар бапкері Олег Воскобойников арнайы сұхбатында Sports24.kz порталына Темірлан Анарбековтың 2026 жылғы әлем чемпионатының іріктеу матчындағы Бельгияға қарсы ойынын бағалап өтті.
Астанада өткен матч күтпеген тең нәтижемен — 1:1 аяқталды. Бельгия құрамасына қарсы кездесуде «Қайраттың» және Қазақстан құрамасының қақпашысы жеті керемет сейвпен көзге түсті.
«Алдымен бүкіл команданы атап өткім келеді — жігіттер тамаша ойнады. Анарбеков өз жұмысын сенімді орындады. Құрамадағы қақпашылар арасындағы бәсекеге келсек, олардың жаттығу процесіне және бапкерлер штабының талаптарын жақсырақ түсінуге деген ұмтылысы ұнайды. Сондай-ақ, Қазақстан чемпионатындағы клубтарда еңбек етіп жүрген қақпашылар бапкерлеріне зор алғысымды білдіремін», — деді Воскобойников.
2026 жылғы әлем чемпионатының іріктеу кезеңінде Қазақстан құрамасы сегіз матч өткізіп, екі жеңіске жетті, екі ойында тең түсті және төрт кездесуде жеңіліп қалды.
Сегіз ұпай жинаған Қазақстан құрамасы іріктеу кезеңін топтағы соңғыдан бір орын жоғары, төртінші орында аяқтады.
