Альваро Мората Галатасарайға ауысуға жақын
Футбол
Асылхан Тоқсанбек
Редактор
ФОТО: Getty images
“Милан” шабуылшысы Альваро Мората “Галатасарай” клубына ауысады, деп хабарлайды инсайдер Фабрицио Романо өз әлеуметтік желілерінде. Бұл келісімшарт жалға беру негізінде жасалады, оған бір жылға ұзарту мүмкіндігі және сатып алу құқығы қосылған.
Клубтар трансфер шарттарын келісіп қойды, енді 32 жастағы испандық футболшы барлық құжаттарды тексергеннен кейін Ыстамбұлға жол тартады.
Еске сала кетейік, Мората өткен жазда мадридтік “Атлетикодан” италиялық командаға ауысқан болатын. Биылғы маусымда ол барлық турнирлерде 25 матч өткізіп, 6 гол соғып, 2 нәтижелі пас берді.
Айта кетейік, 2024 жылы Мората Испания ұлттық құрамасымен Еуропа чемпионы атанды.
