«Қайсардағы» нақты қарыз сомасы белгілі болды. Оларды кім өтейді?
Жаңа жеке меншік иесі басқа бағыттарға назар аударады
Футбол
Жантөре Қайсаров
Редактор
ФОТО: ФК Кайсар
«Қайсардағы» қаржылық қиындықтар туралы бәрі біледі, тіпті тамыз айының соңында клубқа трансферлік тыйым салған ФИФА да хабардар. Бірақ бұл мәселелер жақын арада шешімін табады.
Қызылорда облысының спорт басшысы Бақтияр Артаевтың айтуынша, футболшылар мен қызметкерлер алдындағы қарыз көлемі 180 миллион теңгені құрайды. Бірақ бұл соманы клубтың жаңа инвесторы - Исламғали Қозбақов емес, бюджет қаражатынан өтеледі.
Клубтың жаңа иесі, сондай-ақ клубтың демеушісі «Tau Group» компаниясы академияны дамытуға және құрамды жасақтауға басымдық береді. Бұған дейін Артаев қарыздар биыл немесе келесі жылы толық өтелетінін айтқан болатын.
