«Қайрат» капитаны Сәтпаевтың әлсіз тұстарын айтты
Алматының «Қайрат» командасының капитаны Александр Мартынович Мадридтің «Реалына» қарсы Чемпиондар лигасы ойынының басында Дастан Сәтпаев жіберіп алған голдық мүмкіндік туралы пікір білдірді.
Дастанға әлі де жұмыс істеу керек тұстар бар. Ол жылдам, белсенді, соққысы да жаман емес, бірақ баспен ойнау – оның әлсіз жағы. «Реалға» қарсы матчтағы сәт соның дәлелі болды, – деді Мартынович YouTube-тегі «Голевая передача» арнасына берген сұхбатында.
Айта кетсек, мадридтік клубпен өткен кездесу алматылықтардың ірі жеңілісімен аяқталды – 0:5. Чемпиондар лигасының келесі ойынында «Қайрат» 21 қазан күні «Орталық» стадионда Кипрдің «Пафос» командасын қабылдайды.
Сондай-ақ «Қайрат» қақпасында тосын ауысым ба? Капитан Мартынович ЛЧ матчы алдында құпияның бетін ашты.
