«Қайрат» Чемпиондар лигасындағы «Реалға» қарсы матч билеттері туралы мәлімдеме жасады
«Қайрат» жанкүйерлеріне Чемпиондар лигасының жалпы кезеңінің екінші турындағы мадридтік «Реалға» қарсы матч билеттерін сату туралы үндеу жасады.
«Ресми мәлімдеме
Әлеуметтік желілерде таралып жатқан Чемпиондар лигасының «Қайрат» — «Реал Мадрид» матчы билеттерін сату немесе алдын ала броньдау туралы ақпарат шындыққа жанаспайды және адастыруға бағытталған».
Сондай-ақ, алматылық клубтың баспасөз қызметі төмендегіні қосып өтті:
«Билеттер туралы ақпараттың жалғыз ресми дереккөздері – клубтың ресми сайты және «Қайрат» ФК-ның әлеуметтік желідегі ресми парақшалары.
Билеттердің сату күні мен бағасы әлі бекітілген жоқ. Жанкүйерлерді үшінші тарап хабарландыруларына сенбеуге және билеттерді бейресми арналар арқылы сатып алмауға шақырамыз».
«Қайрат» - «Реал» Мадрид матчы 30 қыркүйекте өтеді. Ойынның басталуы – 21:45-те.
