«Жеңіске жету үшін келдім» – Азия ойындарындағы мақсаттары туралы Путинцева
Қазақстанның екінші ракеткасы Юлия Путинцева Жапонияда өтіп жатқан Азия ойындарындағы теннис турнирінің ширек финалында Қытай Тайбэйінің өкілі Яи Янды 6:3, 6:1 есебімен жеңгеннен кейін өз ойымен бөлісті, деп хабарлайды Sports24.kz.
Айта кетейік, кездесу шамамен бір жарым сағатқа созылды.
«Шын мәнінде, қиын болды, өйткені жағдай әдеттегідей емес еді. Артқы сызықта төреші болған жоқ, доптар ары-бері ұшты, Тайбэйден келген қыз өте жақсы ойнады, теннисі жоғары деңгейде екенін көрсетті. Мақсаттарым қандай? Мен мұнда келген екенмін, жеңіске жету үшін келдім. Кем дегенде, сол үшін қолдан келгеннің бәрін жасау», – деді Юлия Путинцева.
Еске салайық, бұған дейін Юлия Путинцева Қытайдың Шэньчжэнь қаласында өткен Билли Джин Кинг кубогының финалдық кезеңіндегі ширек финалда Қазақстан құрамасының Испанияға қарсы кездесуіне қатысты. Сондай-ақ теннисші Елена Рыбакинаның жетістіктері Қазақстан теннисі үшін қаншалықты маңызды екенін айтты.
