“Жуырда жекпе-жек”. Әлімханұлы кезекті кездесуін жариялады
Бокс
Богдан Писаренко
ФОТО: Getty Images. Жәнібек Әлімханұлы
Қазақстандық боксшы Жәнібек Әлімханұлы (16-0, 11 КО), WBO және IBF нұсқасы бойынша орта салмақтағы әлем чемпионы, келесі жекпе-жегіне дайындықты бастағанын мәлімдеді.
“Жаттығуды бастадым! Жуырда жекпе-жек”, — деп жазды Әлімханұлы Х желісінде.
Белгілі болғандай, қазақстандық боксшының жекпе-жегінің нақты күні мен қарсыласының есімі әзірге анықталған жоқ.
Әлімханұлы соңғы жекпе-жегін 2024 жылдың қазан айында өткізген болатын. Сол кездесуде ол ресейлік тегі бар Жаңа Зеландия боксшысы Андрей Михайловичті (21-1, 13 КО) 9-раундта техникалық нокаутпен жеңген еді.