Жуырда ғана әке атанған Махмұд Сабырхан екінші рет шаңырақ көтерді
Махмұд Сабырхан екінші рет үйленді
Фото: скриншот
Әлемнің қос дүркін чемпионы, қазақстандық былғары қолғап шебері Махмұд Сабырхан тағы да көптің назарында. Бұл жолы себеп спорт емес, жеке өміріндегі үлкен жаңалық - боксшы екінші рет шаңырақ көтерді.
Әлеуметтік желілерде тараған бейнежазбада Сабырханның қалыңдықпен бірге өткен «қыз ұзату» сәті жарияланды. Көп ұзамай жанкүйерлер мен оқырмандар пікір қалдыруға асығып, түрлі болжам мен эмоцияларын білдірді. Көпшілігі «енді ғана сәбиі дүниеге келді, ал 2024 жылы алғаш рет үйленген еді» деп таңданыстарын жасырмады.
Дегенмен, Махмұдтың спорттағы жолы да назардан тыс қалған жоқ. Қыркүйек айында ол тағы бір рет әлем чемпионы атанып, испандық Рафаэль Лозаноны айқын басымдықпен жеңіп шыққан болатын.