Өзбек боксының басты жұлдызы Баходир Жалолов Санкт-Петербургте қарсыласын күйрете жеңді
Баходир Жалолов Ресейде кезекті жеңісіне қол жеткізді
ФОТО:butsanet
Өзбекстандық кәсіпқой боксшы, супер ауыр салмақтың өкілі Баходир Жалолов халықаралық аренада тағы бір маңызды жеңісіне қол жеткізді. Санкт-Петербургтегі жекпе-жекте ол жергілікті боксшы Виталий Кудуховпен күш сынасып, сегіз раундқа созылған айқаста сенімді басымдық танытты.
Төрешілердің шешімі бірауыздан шықты: 77:73, 77:74, 78:72 есебімен жеңіс Жалоловтың еншісінде. Ол жекпе-жек барысында қарсыласына қысым көрсетіп, дәл соққыларымен үстемдігін дәлелдеді.
Айта кетейік, осыған дейін Баходир Астанада украиналық Игорь Шевадзуцкиймен кездесіп, өзінің мықтылығын паш еткен еді. Сол жекпе-жек те оның шеберлігін айқындап, әлемдік деңгейдегі амбицияларын көрсеткен болатын.