Торехан Сабырханға бокстан әлем чемпионатының финалында жеңіс болжайды
Қазақстандық бокстың басты үміті Торехан Сабырхан бүгін Ливерпульде (Ұлыбритания) өтіп жатқан әлем чемпионатының финалында өнер көрсетеді.
Әлем біріншілігінің алтыны үшін өтетін шешуші айқаста қазақстандық боксшыға жапониялық Севонрец Оказава қарсылас болады. Финалға дейінгі жолда Торехан британдық Одэл Камараны артта қалдырды. 19 жастағы Торехан Сабырхан (70 кг дейін) ересектер арасындағы әлем чемпионатының финалына алғаш рет шығып отыр. Танымал қазақстандық маман, КСРО Кубогының екі мәрте қола жүлдегері Николай Ситников эксклюзивті сұхбатында Sports24.KZ-ке берген сұхбатында Торехан Сабырханның Ұлыбританиядағы әлем чемпионатының алтын медалін жеңіп алатынына сенім білдірді.
«Торехан Сабырханның мүмкіндігі өте жоғары. Ол жартылай финалдағы ең ауыр айқастардың бірін артта қалдырды. Көремін, Торехан барлық жекпе-жектерде үшінші раундта сенімді басымдық көрсетеді, тіпті алғашқы екі раунд оңай болмаса да. Айқастың соңын әрдайым мінезімен, сенімді боксымен алады. Меніңше, Қазақстан құрамасының бапкерлері әлем чемпионатына 70 килограмм салмақта Тореханға сенім артқаны дұрыс болды, себебі Абылайхан Жүсіповтің қасы жарылып, оған денсаулығын қалпына келтіруге уақыт керек еді. Финалда, менің ойымша, Торехан жапон боксшысын жеңуі тиіс. Айқас оңай өтпеуі мүмкін, бірақ Сабырханның жеңісі заңды болады деп сенемін», - деді Николай Ситников.
Айта кетейік, біздің спортшылар алтын үшін күндізгі және кешкі сессияларда жұдырықтасады.
Күндізгі сессия (Астана уақытымен 16:00-де басталады):
•48 кг, 16:00 – Назым Қызайбай (Қазақстан) vs Минакши (Үндістан)
• 50 кг, 16:15 – Санжар Ташкенбай (Қазақстан) vs Алдархишиг Баттулга (Моңғолия)
•55 кг, 16:45 – Махмұд Сабырхан (Қазақстан) vs Рафаэль Лосано Серрано (Испания)
Кешкі сессия (Астана уақытымен 22:00-де басталады):
•51 кг, 22:00 – Алуа Балкибекова (Қазақстан) vs Бусе Наз Чакыроглу (Түркия)
• 65 кг, 22:30 – Аида Әбікеева (Қазақстан) vs Навбахор Хамидова (Өзбекстан)
• 70 кг, 22:45 – Торехан Сабырхан (Қазақстан) vs Сэвон Окадзава (Жапония)
• 70 кг, 23:00 – Наталья Богданова (Қазақстан) vs Лекеиша Перголити (Австралия)
• +90 кг, 23:45 – Айбек Оралбай (Қазақстан) vs Жахонгир Зокиров (Өзбекстан)
Бокстан әлем чемпионатының финалдық күнінің толық кестесі мұнда қолжетімді.