«Сұмырай қаңғыбас» – экс-қарсылас Әлімханұлына қатты шүйлікті
Орта салмақтағы британдық боксшы Дензел Бентли, бұған дейін Жәнібек Әлімханұлымен шаршы алаңға шыққан, қазақстандық чемпионды қоршаған допинг дауына қатысты өткір пікір білдірді.
WBA белбеуінің иегері Эрисланди Ларамен жекпе-жекке бірнеше күн қалғанда Алимханұлы мельдонийге оң сынама тапсырды. Бұл жекпе-жектің тоқтатылуына және кубалыққа шұғыл түрде жаңа қарсылас іздеуге әкеп соқты.
Бентли бұл жаңалыққа X әлеуметтік желісінде қатты эмоциямен жауап беріп, қазақстандық боксшыға өте ауыр сөздер айтты.
«Тфу, мына жалған қорқыныш иесі допинг-тесттен өтті. Сұмырай қаңғыбас», – деп жазды Бентли Х әлеуметтік желісінде.
Естеріңізге сала кетейік, 2022 жылы Дензел Бентли орта салмақтағы WBO чемпиондық белбеуі үшін өткен жекпе-жекте Әлімханұлынан төрешілердің бірауызды шешімімен жеңілген болатын.
Бұл жағдайға WBA-ның қазіргі чемпионы Эрисланди Лара да пікір білдірді. Ол «Қазақ стилімен» қолғап түйістіруі тиіс еді. Кубалық боксшы да қатты айтты және мұндай оқиғалар бүкіл дивизионның абыройына нұқсан келтіретінін атап өтті.