Сарапшы Джалоловтың жекпе-жегін «скучный» деп атады
Танымал молдова маманы, «Бокс студиясы» YouTube-арнасының авторы Виктор Ялымов эксклюзивті сұхбатында Sports24.kz порталына Өзбекстанның екі дүркін Олимпиада чемпионы Баходир Джалоловтың Санкт-Петербургте (Ресей) өткен IBA.PRO 10 турниріндегі жекпе-жегі туралы пікір білдірді.
Джалолов аса ауыр салмақта ресейлік Виталий Кудуховпен (7–3, 3 КО) жекпе-жек өткізді. Көпшілік күтпегендей, сегіз раундқа жоспарланған кездесу толық қашықтықта өтті. Нәтижесінде Джалолов төрешілердің бірауыздан шығарған шешімімен еңбекпен жеңіске жетті.
«Жекпе-жек өте қызықсыз өтті — екі тараптан да көп клинч пен лас қимылдар болды. Баходирге келсек, бұл, әрине, екі дүркін Олимпиада чемпионына лайық жекпе-жек емес және ауыр салмақта үлкен жетістіктер күтетін боксшы деңгейіндегі айқас емес. Көпшілік оның Александр Усик пен дивизионның басқа жұлдыздарына бәсекелес бола алады деп ойлаған, бірақ әзірге олай болмай тұр. Неге бұлай болды? Мүмкін, жарақаты, артық жаттығу немесе қарсыласын бағаламауы әсер еткен шығар — себеп көп болуы мүмкін. Жалпы, жекпе-жектен алған әсерім ұстамды болды», – деді Виктор Ялымов.
Джалолов алдыңғы жекпе-жегін 5 сәуір күні Астанада өткізіп, онда украиналық Игорь Шевадзутскийді (12–3, 10 КО) төрешілердің бірауызды шешімімен жеңген еді.