Садриддин Ахмедов жеңістен кейін бокстан уақытша шеттетілді

Бокс Кеше 22:39

Аружан Темірбек

sports24 сарапшы

Калифорния штатының Атлетикалық комиссиясы қазақстандық боксшы Садриддин Ахмедовты (15-0, 13 КО) жекпе-жектер мен спаррингтерден шеттетті.

Америкалық Рафаэль Игбоквеге (17-6, 7 КО) қарсы кездесуде Ахмедов жетінші раундта нокаутпен жеңіске жеткеніне қарамастан, өзі де белгілі бір жарақаттар алды. Осыған байланысты комиссия Ахмедовты 2025 жылдың 11 ақпанына дейін, ал қарсыласын 2025 жылдың 27 қаңтарына дейін шеттету туралы шешім қабылдады. Бұл шеттету медициналық сипатқа ие және боксшылардың ауыр жекпе-жектен кейін тезірек қалпына келуіне бағытталған.

2024 жылы Садриддин Ахмедов екі жекпе-жек өткізді. Тамыз айында ол америкалық Антонио Тоддпен (17-12, 9 КО) кездесіп, оны бірінші раундта нокаутқа түсірді.