Пол мен Джошуа арасындағы жекпе-жек рингінің көлемі әдеттегіден сәл үлкен болады
Джейк Пол мен Энтони Джошуа арасындағы жекпе-жек 20 желтоқсанға қараған түні өтеді.
The Ring басылымының хабарлауынша, бұл кездесу үшін рингтің көлемі әдеттегіден сәл үлкен болады.
Бұл айқас, сондай-ақ кештің басқа жекпе-жектері 22 на 22 футтық рингте өтеді. Ал бокс рингі үшін стандартты өлшем — 20 на 20 фут.
«Бұл нақты ақпарат. Бұл әдеттегі стандарт. Менің ойымша, рингтердің өлшемі 20-дан 24 футқа дейін өзгеріп отырады. Сондықтан 22 фут маған әбден қолайлы», — деп түсіндірді Пол жағдайды.
Соңғы жылдары дәл осындай — 22 на 22 футтық рингте өткен ірі айқастардың бірі төрт жыл бұрын болды. Онда Канело Альварес Даллас қаласындағы орта салмақтағы WBA, WBC және WBO белбеулері үшін өткен біріктіру жекпе-жегінде Билли Джо Сондерсті тоқтатқан еді.
Осы арада қарсыластар көзбе-көз кездесудің алдында ресми салмақ өлшеу рәсімінен өтті.