Әлімханұлы командасы топ-боксормен жекпе-жек туралы келіссөздерді бастады
ФОТО: Getty Images
WBO және IBF нұсқалары бойынша орта салмақтағы әлем чемпионы, қазақстандық Жәнібек Әлімханұлы келесі жекпе-жегін WBC белбеуінің иегері, доминикандық Карлос Адамеске қарсы өткізуі мүмкін.
Ringside24 сайтының хабарлауынша, қос боксшының өкілдері жекпе-жек жайлы келіссөздерді бастап кетті. Бұл айқас АҚШ-та Premier Boxing Champions турнирінде өтуі ықтимал.
Әлімханұлы соңғы жекпе-жегінде конголездік боксшы Анауэль Нгамиссенгені нокаутпен жеңген болатын. Ал Адамес өзінің соңғы жекпе-жегінде жеңіске жете алмады – ол британдық Хамза Ширазбен тең түсті.
Айта кетейік, Адамес Жәнібекпен болуы мүмкін жекпе-жек туралы қатты мәлімдеме жасап үлгерді.