Әділет Тортубек Азия чемпионатында жеңіспен бастады
Қазақстандық боксшы Бангкоктағы жастар арасындағы чемпионатта сенімді жеңіске жетті
Бокс
Арсен Алиев
Редактор
ФОТО: ҚБФ
Қазақстандық боксшы Әділет Тортубек Бангкокта (Тайланд) өтіп жатқан Азия чемпионатында сәтті дебют жасады.
60 кг дейінгі салмақ дәрежесінде алғаш рет рингке шыққан ол Үндістанның өкілі Шубхаммен кездесті. Жекпе-жек Тортубектің жеңісімен аяқталып, ол төрешілердің бірауыздан қабылдаған шешімімен келесі кезеңге өтті.
Айта кетейік, бұл Азия чемпионаты U-19 және U-22 жасөспірімдер арасында бірінші рет World Boxing ұйымы тарапынан ұйымдастырылып отыр. Жарыстар 11 тамызға дейін жалғасады.
Сондай-ақ Әділбек Қожахан Азия чемпионатындағы алғашқы жекпе-жегінде жеңіліс тапты.