Бокстан әлем чемпионаты: 11 наурызда ел намысын қорғайтын боксшы қыздар
ФОТО: Instagram
Нишеде (Сербия) әйелдер арасындағы бокстан әлем чемпионаты жалғасуда. Бүгін, 11 наурызда, 1/8 финал аясында Қазақстан құрамасының алты боксшысы рингке шығады:
- Алуа Балкибекова (50 кг дейін) – Ясмин Мутаки (Марокко)
- Жайна Шекербекова (54 кг дейін) – Жанет Алонсо (Мексика)
- Виктория Графеева (60 кг дейін) – София Легаки (Греция)
- Аида Абикеева (63 кг дейін) – Чжао Шоюй (Қытай)
- Жасмин Кизатова (66 кг дейін) – Ивануса Гомес (Кабо-Верде)
- Гульсая Ержан (81 кг дейін) – Вансяо Мэн (Қытай)
Жарыс Астана уақытымен 18:00-де басталады.
Айта кетсек, әлем чемпионаты 8-16 наурыз аралығында өтуде, оған 51 елден 239 боксшы қатысуда. Бас жүлде – 100 мың АҚШ доллары.
Алдын, Анита Адишева халықаралық бокс турнирінде мексикалық боксшыдан жеңіліп қалған еді.