Бивол мен Бетербиев арасындағы үшінші айқас биыл өтеді
Дмитрий Бивол (24–1, 12 KO) мен Артур Бетербиев арасындағы үшінші жекпе-жек келіссөз кезеңінде тұр.
Алғашқы екі кездесу тең есеппен аяқталған соң, тараптар шешуші айқастың шарттарын нақтылап жатыр. WBC президенті Маурисио Сулейман белбеуді уақытша чемпион Давид Бенавидеске табыстап, үшінші кездесуде Биволдың WBA, WBO және IBF титулдарын қорғауына жол ашты.
Бұған дейінгі екі кездесу де өте тартысты өтті және төрешілердің бағалауы бір деңгейде болды. Үшінші айқастың 2025 жылдың соңына қарай өтуі күтіледі. Биволдың менеджері Вадим Корнилов бұл туралы Worldboxingnews.com порталына мәлімдеді:
«Мен жекпе-жек жылдың соңында өтеді деп күтемін. Біз әлі де барлық егжей-тегжейлерді нақтылап жатырмыз, сондықтан сұрақтарыңызға толық жауап бере алмаймын. Біздің міндетіміз — трилогияны аяқтау, — деді Корнилов WBN.
Ал титулдардың болашақ тағдыры туралы сұраққа ол былай деп жауап берді:
«Қандай белбеулер бәсекеге тігіледі — оны болжай алмаймын. Бұл шешімді қабылдайтын – санкциялайтын ұйымдар, — деді менеджер.
Бивол мен Бетербиев арасындағы үшінші жекпе-жек туралы ресми хабарландыру күзде жарияланады.
Кубалық Йоэнли Эрнандес Жәнібек Әлімханұлын жекпе-жекке шақырды.