Бенавидес нокдаунға түскенімен, Моррельді жеңді
Лас-Вегастағы T-Mobile Arena кешенінде америкалық Давид Бенавидес (30-0, 24 КО) пен кубалық Давид Моррель (11-1, 9 КО) арасында тартысты жекпе-жек өтті. Бұл кездесуде WBA және WBC тұжырымы бойынша міндетті үміткер мәртебесі, сондай-ақ WBA Regular және WBC Interim белбеулері сарапқа салынды.
Моррель жекпе-жекті сақтықпен бастады, бірақ кейін шабуылға көшті. Алайда, аяқпен жұмысының әлсіздігінен жиі арқасымен арқанға тіреліп, Бенавидестің денеге бағыттаған ауыр соққыларына төтеп бере алмады. Төртінші раундта кубалық боксшының шаршағаны байқалып, америкалық қарқынын үдете түсті.
Алтыншы раундта Бенавидес толық басымдыққа ие болып, күшті апперкоттар мен денеге ауыр соққылар жасады. Моррельдің бұрышындағы командасы оған белсенділік танытпаса, жекпе-жек тоқтатылатынын ескертті.
Бірақ күтпеген жағдай орын алды – Бенавидес босаңсып, қарсы соққы өткізіп алып, нокдаунға түсті. Дегенмен, америкалық боксшы жылдам есін жиып, кездесудің соңына дейін басымдықты сақтап қалды.
Төрешілердің шешімі бір ауыздан Бенавидестің пайдасына шықты: 115-111, 115-111 және 118-109.
Фултон тағы да Фигероаны жеңіп, WBC чемпиондық титулын иеленді