Бексұлтан Қайратұлы Азия чемпионатында өзбекстандық боксшыға есе жіберді
Ауыр салмақта өткен Қазақстан мен Өзбекстан боксшыларының жекпе-жегі төрешілер шешімімен аяқталды
ФОТО: Instagram: kstnews.kz
Таиланд астанасы Бангкокта өтіп жатқан жастар (U‑19 және U‑22) арасындағы Азия чемпионатында 90 келіден жоғары салмақ дәрежесінде Қазақстан мен Өзбекстан боксшыларының тартысты кездесуі өтті.
Ауыр салмақта Қазақстан атынан Бексұлтан Қайратұлы, ал Өзбекстан атынан Ислам Салихов рингке шықты. Үш раундқа созылған жекпе-жек тартысты өтті, алайда кездесудің қорытындысы бойынша төрешілер жеңісті өзбекстандық боксшыға берді. Осылайша, Бексұлтан Қайратұлы жарысты осы кезеңде аяқтады.
Еске сала кетейік, бұған дейін тағы бір қазақстандық боксшы — Тимур Тайбеков — Сингапурлық қарсыласын үш рет нокдаунға түсіріп, техникалық нокаутпен жеңіске жеткен болатын.