Аяжан Ермек Тай боксшысын нокдаунға жіберіп, Азия чемпионатының жартылай финалына шықты
Қазақстандық боксшы Аяжан Ермек Бангкоктағы жастар мен 22 жасқа дейінгі спортшылар арасындағы Азия чемпионатында тағы бір керемет жеңіске жетті.
57 килограмм салмақ дәрежесінде Аяжан Ермек төртінші кездесуінде жергілікті боксшы Чавалук Соннуммен кездесті.
Бастапқы раундтан-ақ Аяжан қарсыласын бірінші раундта нокдаунға түсіріп, басымдылық көрсетті. Үшінші раундта тай боксшысы тағы екі рет есепке түсті, бұл Ермекке жеңісін нығайтуға мүмкіндік берді. Үш раундтың қорытындысы бойынша төрешілердің бірауыздан қабылдаған шешімімен Аяжан Ермек жеңіске жетіп, жартылай финалға шықты, бұл оған кем дегенде қола медальды қамтамасыз етті.
Айта кетейік, 2024 жылы Аяжан Ермек Астанада өткен жастар арасындағы Азия чемпионатында алтын медаль жеңіп алған болатын.
Сондай-ақ Алина Құдайгенова Азия чемпионатында жартылай финалға өтті.