Ахмедов америкалықты екінші раундта нокаутқа түсірді
Бокс
Арсен Алиев
Редактор
ФОТО: Getty Images
Қазақстандық боксшы Әли Ахмедов (23-1, 16 КО) АҚШ-тың Калифорния штаты, Коммерс қаласында өткен бокстан шоуда тамаша өнер көрсетті.
Орта салмақта өткен жекпе-жекте Ахмедов америкалық Малколм Джонспен (17-5-1, 10 КО) кездесті. Он раундқа жоспарланған кездесуде, қазақстандық боксшы екінші раундта техникалық нокаутпен жеңіске жетті.
Бұл жеңіс Әли Ахмедовтың кәсіби мансабындағы 23-ші жеңісі болды, ал оның қарсыласы бесінші рет жеңіліс тапты. Сонымен қатар, Ахмедов қатарынан жетінші жеңісіне жетті.
Айта кету керек, Әли Ахмедовтың кәсіби рингте тек бір ғана жеңілісі бар. Ол 2020 жылдың желтоқсанында эквадорлық боксшы Карлос Гонгораға (22-3, 17 КО) қарсы жекпе-жекте 12-раундта нокаутқа түскен болатын.