Мәскеуде Анна Седокованың бұрынғы күйеуі өлі күйінде табылды
Баскетбол
Арсен Алиев
Редактор
ФОТО: Getty Images
Мәскеуде латвиялық баскетболшы Янис Тимманың денесі табылды. Ол бұған дейін "Зенит", "Химки" және УНИКС сынды клубтардың сапында өнер көрсеткен. Бұл туралы Telegram-дағы 112 арнасы хабарлады.
Алдын ала мәлімет бойынша, 32 жастағы спортшы өз-өзіне қол жұмсаған. Оның денесі Мәскеу орталығындағы тұрғын үй подъезінде табылған. Жанында жатқан телефонының экранында бұрынғы әйелі Анна Седокованың нөмірі мен оған қоңырау шалу өтініші көрсетілген.
Еске салайық, Янис Тимма мен Анна Седокова 2020 жылы некеге тұрған, алайда кейін ажырасқан. Олардың ортақ балалары жоқ. Кәсіби мансабын аяқтағаннан кейін Тимма Media Basket турниріне қатысатын "Аликсон" командасына қосылған.