Симона Халеп жарақатына байланысты Australian Open турнирінің іріктеу кезеңіне қатыспайды

Теннис Бүгін 09:13

Аружан Темірбек

sports24 сарапшы

Әлемнің бұрынғы бірінші ракеткасы Симона Халеп Australian Open турнирінің іріктеу кезеңіне денсаулығына байланысты қатыспайды.

33 жастағы Халеп — жекелей сында “Үлкен дулыға” турнирінің екі дүркін чемпионы.

Румыниялық теннисші әлеуметтік желіде тізесі мен иығындағы жарақаты әлі мазалайтынын айтты. Еске сала кетейік, Халеп осы жылдың көктемінде допингке байланысты дисквалификациядан кейін кортқа оралған болатын.

Australian Open іріктеу кезеңіне 128 ойыншы қатысып, 2025 жылғы алғашқы “Үлкен дулыға” турнирінің негізгі кезеңіне жолдама алу үшін жарысады. Іріктеу матчтары 6 қаңтар, дүйсенбі күні басталып, 11 қаңтар, сенбі күні аяқталады.