Рыбакина Grand Slam Player Council құрамына кірді: бұл қандай орган және ол не үшін қажет?
Елена Рыбакина теннисшілердің «Үлкен дулыға» турнирлерін ұйымдастырушылар алдындағы құқықтарын қорғауға арналған жаңадан құрылған Grand Slam Player Council органының құрамына кірді, деп хабарлайды Sports24.kz.
2026 жылдың тамызында Уимблдон ұйымдастырушылары турнирлер мен теннисшілер арасындағы байланысты қамтамасыз ететін орган құрылатынын мәлімдеді. Ол өз жұмысын US Open аяқталғаннан кейін бастайды, ал көп ұзамай оның ойыншылар тарапынан өкілдік ететін құрамы да жарияланды.
Әйелдер: Элина Свитолина, Елена Рыбакина, Арина Соболенко, Джессика Пегула, Ива Йович, Мария Саккари
Ерлер: Новак Джокович, Александр Зверев, Бен Шелтон, Феликс Оже-Альяссим, Лоренцо Музетти, Артур Риндеркнеш
Бір қызығы, тізімнен Карлос Алькарасқа, Янник Синнерге және Коко Гауффқа орын табылмаған. Ал олардың барлығы әр уақытта тығыз жарыс кестесіне наразылық білдірген еді.
Еске салайық, 2026 жылғы Франция ашық чемпионаты басталар алдында теннисшілер жүлде қорының көлеміне наразылықтарын білдірген хатты жариялаған. Сондай-ақ ойыншылар теннис күнтізбесінің шамадан тыс тығыздығына және турнирлерді өткізу жағдайларына бірнеше рет шағымданған.
Мәселе тіпті жоғарыда аталған Roland Garros турнирі басталар алдында сол кездегі әлемнің бірінші ракеткасы Арина Соболенко теннисшілердің талаптары орындалмайынша, турнирге бойкот жариялау мүмкіндігін жоққа шығармаған деңгейге жетті.
