Елена Рыбакина US Open турнирінің үшінші айналымына шықты
Әлемнің екінші ракеткасы, қазақстандық теннисші Елена Рыбакина US Open-2026 турнирінің үшінші айналымына шықты, деп хабарлайды Sports24.kz.
Ол Испания өкілі, WTA рейтингінде 105-орында тұрған Джессика Боуас Манейроны жеңді. Кездесу 6:2, 6:4 есебімен аяқталды.
Теннисшілер кортта 1 сағат 8 минут өткізді. Рыбакина жеті эйс жасап, төрт рет қос қателікке жол берді және алты брейк-пойнттың төртеуін пайдаланды. Ал қарсыласы бірде-бір эйс жасамады, қос қателікке жол берген жоқ және екі брейк-пойнттың біреуін жүзеге асырды.
US Open турнирінің үшінші айналымында Рыбакинаның келесі қарсыласы украиналық Юлия Стародубцева (әлемнің 58-ракеткасы) болады.
Бұл Рыбакинаның қазіргі турнирдегі екінші жеңісі. Бірінші айналымда ол америкалық Тея Фродинді 6:3, 6:2 есебімен ұтқан болатын.
АҚШ ашық чемпионаты 30 тамыз бен 13 қыркүйек аралығында Нью-Йоркте өтеді. Әйелдер арасындағы турнирдің жүлде қоры шамамен 49 миллион долларды құрайды.
Рыбакина әлемнің бірінші ракеткасы атана ма?
US Open қорытындысы бойынша Елена Рыбакинаның мансабында алғаш рет жекелей сында әлемдік рейтингтің бірінші орнына көтеріліп, Арина Соболенконы басып озуға мүмкіндігі бар.
Ол үшін қазақстандық теннисші турнирдің жартылай финалына шығуы қажет. Сондай-ақ Соболенко, америкалық Коко Гауфф және Джессика Пегула US Open турнирінде жеңіске жетпеген жағдайда Рыбакина әлемнің бірінші ракеткасы атана алады.
Осылайша Рыбакина турнирде бірде-бір матч өткізбестен-ақ әлемдік рейтингті басқаруы мүмкін деген сценарий бар.
