2024 жылы қазақстандық шахматшылар біршама рекорд орнатты
Қазақстан шахмат федерациясы 2024 жылдың қорытындыларын жариялады. Қазақстандық шахматшылар Халықаралық шахмат федерациясы (FIDE) және Азия шахмат федерациясы (ACF) аясында өткен ресми турнирлерде 55 алтын, 54 күміс және 51 қола медаль жеңіп алды. Бұл жетістіктер кәсіби ойыншылармен қатар, әуесқойлар мен жасөспірімдердің де еңбегін қамтиды.
Жылдың басты оқиғаларының бірі – әйелдер құрамасының Шахмат олимпиадасында тарихи күміс жүлде алуы. Команда құрамында Бибісара Асаубаева, Меруерт Камалиденова, Ксения Балабаева, Алуа Нұрман және Әмина Қайырбекова өнер көрсетіп, тек Үндістан құрамасынан жеңіліп, екінші орын алды.
Елдің ең үздік шахматшысы ретінде Бибісара Асаубаева танылды. Ол бірнеше санат бойынша әлемдік рейтингте жоғары орындарға ие болып, өзінің шеберлігін тағы бір мәрте дәлелдеді.
Теннис
Бүгін 22:36