Бекзат Алмахан жарақатынан кейін UFC-ге қайта оралуға дайын

ММА Кеше 01:06

Аружан Темірбек

sports24 сарапшы

Қазақстандық UFC жекпе-жекшісі Бекзат Алмахан октагонға оралуға дайын.

Спортшының менеджері Саят Абдрахмановтың айтуынша, Бекзат Алмахан наурыз айында Умар Нурмагомедовпен болған жекпе-жекте алған тізе жарақатынан толықтай айығып, қалпына келтіру кезеңін сәтті аяқтады. Қазіргі уақытта Алмахан Таиландта дайындық жиындарын өткізіп жатыр және 2025 жылдың ақпан айында қайта жекпе-жекке шығуды жоспарлап отыр.

Бекзат Умар Нурмагомедовке төрешілер шешімімен жеңіліс тапқан болатын. Дегенмен, жеңіліске қарамастан қазақстандық спортшы жекпе-жектің басында қарсыласын нокдаунға жіберіп үлгерді.

Алмаханның келесі қарсыласы әлі белгісіз, бірақ жақын арада бұл туралы толық ақпарат беріледі деп күтілуде.