Қазақстан құрамасы Джакартада өткен ММА әлем чемпионатында үздік атанды

ММА Бүгін 11:01

Аружан Темірбек

sports24 сарапшы

Қазақстан құрамасы Джакартада өткен аралас жекпе-жектен (ММА) Әлем чемпионатында командалық есепте бірінші орынды иеленді. Турнир Дүниежүзілік аралас жекпе-жек қауымдастығының (GAMMA) аясында өтті.

Индонезия астанасында қазақстандық спортшылар 19 медаль жеңіп алды: 9 алтын, 3 күміс және 7 қола.

Әлем чемпиондары атанғандар: Ерназ Мусабек, Мәжит Сардаров, Айдын Төлепбаев, Мансұр Шахгереев, Зейнеп Оразхан, Әмір Алқанов, Сайран Сағындықов, Мейрамбек Әубакіров және Айда Хайрулина.

Медальдық есепте екінші орынды АҚШ құрамасы, ал үшінші орынды Самоа құрамасы иеленді.

Чемпионатқа жалпы 66 елден 920 спортшы қатысты.