Асу Алмабаев UFC рейтингінде бір орынға түсіп қалды

ММА Бүгін 02:31

Марлен Аманов

sports24 сарапшы

Қазақстандық файтер Асу Алмабаев UFC-дің ең жеңіл салмақ санатындағы рейтингте бір орынға түсіп, 7-орыннан 8-орынға орналасты. Манел Капе Бруно Сильваны мерзімінен бұрын жеңіп, 6-орынға көтерілгеннен кейін, Асу Алмабаев бір сатыға төмендеді.

Естеріңізге сала кетейік, Алмабаевтың соңғы жекпе-жегі 20 қазанда Лас-Вегаста өткен UFC Fight Night 245 турнирінде өтті. Ол бразилиялық Матеус Николауды төрешілердің шешімімен жеңді.

Сондай-ақ, Асу Алмабаевтың 1 наурызда UFC Vegas 103 турнирінде октагонға оралып, топ-10 қатарына жататын қарсыласымен жекпе-жек өткізетіні хабарланды.