ACA Резников пен Раисов арасындағы жекпе-жекті 2025 жылы өткізуді жоспарлауда

ММА Бүгін 02:01

Аружан Темірбек

sports24 сарапшы

ACA вице-президенті, ресейлік промоутерлік компаниясының өкілі Асланбек Бадаев, қазақстандық Артем Резников (25-8) пен Юсуф Раисов (21-3) арасындағы жекпе-жекті өткізу жоспарланып отырғанын мәлімдеді.

“Лига Резников — Раисов және Абдураков — Гаджидаудов жекпе-жектерін сақтап, оларды жақын арадағы турнирлерде өткізуге баса назар аударады. 2025 жылдың алғашқы ивенттері кестеге енгізілді. Қазір біз спортшылардың жауабын күтіп, бұл кездесулер қай жерде өтетінін талқылаудамыз”, — деді Бадаев ACA-ның баспасөз қызметіне.

Еске салайық, 2024 жылы маусымда өткен ACA 177 турнирінде қазақстандық Артем Резников Мухамед Коковты жеңген болатын. Ал ACA 182 турниріне екі күн қалғанда, Резников пен Узайыр Абдураковтың денсаулығына байланысты Резников — Раисов және Абдураков — Гаджидаудов жекпе-жектері кейінге қалдырылған еді.