РЕСМИ: “Барыс” легионерлермен келісім-шарттарды бұза бастады

Хоккей 18 қаз 2024 06:57

Марлен Аманов

sports24 сарапшы

“Барыс” қорғаушылар Натан Больё мен Уилл Бутчер, сондай-ақ шабуылшы Майкл Маклаудпен келісімшартты бұзды, бұл туралы клубтың баспасөз қызметі әлеуметтік желілерде хабарлады.

Келісім-шарттар клуб бастамасымен өтемақы төлене отырып бұзылды.

Ойыншылар “Барыстың” қатарына осы жазда қосылған болатын. Больё КХЛ-дің тұрақты чемпионатында 8 матч өткізіп, бір нәтижелі паспен көзге түсті. Бутчер 15 ойында 3 нәтижелі пас жасады. Ал Маклауд 16 ойынның қорытындысы бойынша 6 (3+3) ұпай жинады.

“Барыс” ойыншыларға клубтағы уақыты үшін алғыс айтып, оларға мансаптарында сәттілік тіледі!