Қазақстан құрамасы Олимпиада-2026 іріктеуінде екінші жеңісіне қол жеткізді

Хоккей Бүгін 11:19

Аружан Темірбек

sports24 сарапшы

Хоккейден Қазақстан әйелдер құрамасы 2026 жылғы Қысқы Олимпиада ойындарына іріктеу турнирінің екінші кезеңінде екінші жеңісіне қол жеткізді.

D тобындағы үшінші тур аясында қазақстандық хоккейшілер Исландия құрамасын 2:0 есебімен жеңді.

Қазақстан – Исландия 2:0 (1:0, 0:0, 1:0)

Шайбалар: 1:0 – Филимонова (Саяхатқызы, Пяткова) – 06:55; 2:0 – Ашимова (Саяхатқызы, Пяткова) – 59:34 ҚҚ

Қақпашылар: Щёколова – Бахманн

Қазақстан құрамасы үш ойыннан кейін 6 ұпай жинады. Іріктеу кезеңінің алғашқы матчында қазақстандықтар Словакия құрамасынан ірі есеппен жеңілген болатын (1:8). Алайда, кейінгі екі кездесуде жеңіске жетті: Словенияны 3:0 есебімен және Исландияны 2:0 есебімен ұтты.

Айта кетейік, іріктеудің финалдық кезеңіне топта бірінші орынды иеленген команда ғана өтеді.