Қазақстан құрамасы 6x6 форматындағы мини-футболдан әлем чемпионатының финалына шықты

Футзал 07 жел 2024 03:59

Марлен Аманов

sports24 сарапшы

6x6 форматындағы мини-футболдан International Socca Federation ұйымдастырған әлем чемпионатында Қазақстан құрамасы финалға жолдама алды.

Жартылай финалда қазақстандықтар Хорватия құрамасымен кездесті. Негізгі уақыт тең аяқталып, жеңімпазды анықтау үшін футбол буллиттері сериясы өткізілді. Бұл серияда Қазақстан құрамасы 3:2 есебімен басым түсті.

Топтық кезеңде Астананың "Сайран" клубы негізінде жасақталған команда Англияны (3:0), Румынияны (1:0) және Суданды (3:0) жеңіп, тек Уругвайдан (1:2) ұтылып қалды. Плей-оффта қазақстандықтар Сербияны (4:2) және Бразилияны (3:2) жеңіп, жартылай финалға шықты.

Енді Қазақстан құрамасы турнир иесі Оман командасымен кездеседі. Финалдық матч 7 желтоқсан, сенбі күні, Астана уақытымен 21:00-де өтеді.

Қола жүлдеге Хорватия мен Румыния құрамалары таласады.