Жартылай қорғаушы Реалдан кетуі мүмкін

Футбол 18 қара 2024 22:58

Асылхан Тоқсанбек

sports24 сарапшы

Мадридтік "Реалдың" 28 жастағы жартылай қорғаушысы Дани Себальос қыста клубын ауыстыруы мүмкін. Бұл туралы Diario AS хабарлады.

Дереккөз мәліметінше, футболшы осы маусымда өте аз ойын уақыты алып жүр. Осы себепті оның клубтан кету мәселесі қайтадан талқылана бастады. Көпшіліктің пікірінше, жартылай қорғаушы "Бетис" клубына қайта оралуы мүмкін.

Айта кетейік, Себальос осы маусымда "Реал" сапында барлығы алты ойын өткізді, бірақ гол немесе ассист жасаған жоқ. Оның клубпен қазіргі келісімі 2027 жылдың маусым айына дейін жарамды. Transfermarkt порталының мәліметіне сәйкес, ойыншының нарықтық бағасы €4 млн деп көрсетілген.