Өзбекстан құрамасы бақылау матчында Оңтүстік Кореядан жеңілді
6 қазанда Өзбекстан құрамасы жолдастық матчта Оңтүстік Кореядан жеңілді, деп хабарлайды Sports24.kz.
Фабио Каннаваро командасы Оңтүстік Кореяның Йонъин қаласында 0:2 есебімен жеңіліп қалды.
Алаң иелері кездесудің басында-ақ алға шықты. Матчтағы есепті Корея құрамасының капитаны Сон Хын Мин ашты. Ал 60-минутта О Се-хун екінші голды соғып, Yongin Mireu Stadium стадионында өткен матчтың қорытынды есебін белгіледі – 2:0.
Айта кетейік, қазан айында Фабио Каннаваро командасы тағы екі жолдастық матч өткізді. Өзбекстан құрамасы Иранды 3:1, ал Сирияны 4:1 есебімен сенімді түрде жеңді.
Сонымен қатар, бүгін Қазақстан құрамасы УЕФА Ұлттар лигасы топтық кезеңінің төртінші турында Фарер аралдарына қарсы матч өткізді. Астанадағы кездесу камбэкпен аяқталып, нәтижелі 2:2 тең аяқталды.
Осы нәтижеден кейін Қазақстан құрамасы екі ұпаймен Ұлттар лигасындағы өз тобында соңғы орында қалды. Фарер аралдары мен Молдовада 4 ұпайдан, ал Словакия құрамасының еншісінде 7 ұпай бар.
