Ван’т Схипке үлгі бола ма? Клопп Германия құрамасының Ұлттар лигасындағы матчтарына екі өтінімін белгіледі
Германия құрамасының бас жаттықтырушысы Юрген Клопп «бундестим» тізгініндегі алғашқы кезеңінде бірден 44 футболшыға сенім артпақ. Оның үстіне, «Ливерпульдің» бұрынғы бапкері төрт матчқа екі бөлек өтінім жасақтады, деп хабарлайды Sports24.kz.
24 және 27 қыркүйекте тиісінше Нидерланд пен Грекияға қарсы өтетін матчтарға Клопп 24 футболшыны шақыруды ұйғарды. Бұл өтінім негізгі құрамға көбірек ұқсайды. Оның қатарында Нико Шлоттербек, Джонатан Та, Серж Гнабри, Джамал Мусиала және Кай Хаверц бар.
- Сондай-ақ оқыңыз: Қазақстанның Ұлттар лигасындағы төрт матчқа арналған өтінімі белгілі болды: Сәтбаев оған кірді ме?
1 және 4 қазанда тиісінше Сербия мен Грекияға қарсы өтетін матчтарда өтінім түбегейлі өзгереді. Құрамда қалатын 20 футболшының ішінен тек «Аугсбург» қақпашысы Финн Дамен өз орнын сақтап қалады. Жұлдызды ойыншылардың арасынан Александер Павлович, Флориан Вирц және Нико Вольтемаде көзге түседі.
Әзірге мұндай кеңейтілген құраммен жаттығу процесі қалай ұйымдастырылатыны белгісіз. Өйткені Грекия мен Сербияға қарсы өз алаңындағы матчтардың арасында, яғни команда өтінімі түбегейлі өзгеруі тиіс кезеңде, небәрі үш күн болады.
