Украина құрамасының жұлдызды ойыншысы допингке қатысты ұсталды: Мудрик ұзақ мерзімге футболдан шеттетілуі мүмкін

Футбол Кеше 20:39

Украина құрамасының және Лондонның "Челси" клубының 23 жастағы шабуылшысы Михаил Мудрик тыйым салынған зат қолданғаны үшін оң допинг-тест тапсырды.

Tribuna украиналық басылымының хабарлауынша, футболшының "А" сынамасынан тыйым салынған зат табылған. Оң нәтиже берген сынама қазан айының соңында алынған. Қазіргі уақытта Михаилдың бұл сынаманы "Челси" үшін өткізген ойынына байланысты тапсырғаны ма, әлде Украина құрамасы үшін өткізген ойынына байланысты тапсырғаны ма, белгісіз.

Алдағы күндері "B" сынамасы да тексерілмек. Егер бұл сынама да оң нәтиже көрсетсе, Украина құрамасының 23 жастағы жұлдызды ойыншысына 4 жылға дейін дисквалификация қаупі төніп тұр.

Мудрик "Челси" сапындағы соңғы ойынына 1 желтоқсанда "Астон Виллаға" қарсы матчта қатысқан болатын. Осыдан кейін ол Лондон клубының қатарынан төрт матчына қатысқан жоқ. Михаилдың жоқтығы оның ауруына байланысты деген қауесеттер тараған еді. Атап айтқанда, осы себеппен ол "Челси" клубының Конференция лигасындағы "Астанаға" қарсы матчына келмеген. Айта кетейік, бұл ойында лондондық команда " 3:1 есебімен жеңісімен аяқталды.