Шушеначевтің клубы Кубоктан ұшып кетті
Ресей Кубогының аймақтық жолының ширек финалындағы алғашқы кезеңнің жауапты матчы өтті. Бұл ойында "Сочи" мен махачкалалық "Динамо" командасы кездесті.
Сочиде өткен матчтың негізгі уақыты 1:1 есебімен аяқталды. 45-минутта "Сочи" командасының қазақстандық шабуылшысы Артур Шушеначев қақпашымен жеке шыққан сәтті пайдаланып, гол соқты. Ал 70-минутта Ян Джапо есепті теңестірді. Пенальти сериясында "Динамо" футболшылары 4:3 есебімен жеңіске жетті. Айта кетейік, Шушеначев ойынның 62-минутында ауыстырылып, пенальти сериясына қатысқан жоқ.
Ресей Кубогы. ¼ финал. 27 қараша
"Сочи" – "Динамо" Махачкала – 1:1 (1:0)
Голдар: Шушеначев, 45 – Ян Джапо, 70
Қызыл қағаз: Суслов, 87 ("Сочи")
Осы жеңістің арқасында "Динамо" Ресей Кубогының аймақтық жолының ширек финалының екінші кезеңіне өтті. Ал "Сочи" турнирдегі жолын аяқтады.
Бұл шабуылшыны тоқтату мүмкін емес. Самородов "Ахмат" сапында тағы да көзге түсті
Футбол
Бүгін 13:58
