Ресми: Самат Смақов – Жетісудың бас бапкері
Самат Смақов бұған дейін Қайрат Нұрдәулетов баптағаған талдықорғандық "Жетісудың" ресми түрде бапкері атанды.
Бұған дейін хабарланғандай, желтоқсан айының басында 46 жастағы қазақстандық маман Талдықорғанға келіп, облыс әкімімен кездескен еді, енді бүгін команданың бас бапкері лауазымына бекітілді.
Бұған дейін Смақов елордалық "Астана" техникалық директоры қызметін атқарған. Өткен жылы Самат Кабирович жаттықтырушы ретінде "Елімайды" Қазақстан премьер-лигасына шығарды.
Айта кетейік, Смақов - Қазақстан құрамасы үшін матчтар саны бойынша рекордшы (76 матч). Ол сондай-ақ Қазақстанның ең титулды футболшысы: 6 дүркін чемпион, 5 дүркін жүлдегер және 4 дүркін Қазақстанның үздік футболшысы: 2004, 2007, 2008, 2009.
"Жетісу" туралы айта кетейік, 2024 жылғы маусымда "Жетісу" 23 ұпаймен ҚПЛ-да 11-ші орынды иеленді.
Футбол
Бүгін 09:48
