Реал оң жақ қорғанысқа кімді қолданады?

Футбол Кеше 22:35

Асылхан Тоқсанбек

sports24 сарапшы

Мадридтік "Реалдың" жартылай қорғаушысы Федерико Вальверде Ла Лиганың 14-турындағы "Леганеспен" өтетін матчта оң жақ қорғаушы позициясында ойнайды. Бұл туралы танымал испандық журналист Хосе Луис Санчес Х әлеуметтік желісінде хабарлады.

Журналистің айтуынша, уругвайлық футболшы жарақат алған негізгі ойыншылардың орнын басады. Дани Карвахаль маусымның соңына дейін тізе байламдарының үзілуіне байланысты алаңнан тыс қалса, Лукас Васкес кемінде үш апта бойы бұлшықет жарақатына байланысты ойнай алмайды.

Бұған дейін бас бапкер Карло Анчелотти бұл позицияға бразилиялық қорғаушы Эдер Милитаоны қолдануды жоспарлаған, бірақ ол да сол жарақат салдарынан маусымның соңына дейін ойыннан шет қалған.

Қазіргі уақытта "Реал" Ла Лига турнирлік кестесінде 27 ұпаймен екінші орында тұр. Ал көш бастап тұрған "Барселонаның" еншісінде 33 ұпай бар.